ਬੀਤੇ ਪਲ

ਕਦੇ ਤੇਰਾ ਖਤ ਆਉਣਾ ਹੀ ਲਗਦਾ ਸੀ ਇੰਝ ਮੈਨੂੰ -

ਜਿਕੂੰ ਕੀਤੀ ਹੋਵੇ ਕੋਈ ਮੁਹਿੰਮ ਸਰ /

ਪਰ

ਜਦੋਂ ਸਮੇਂ 'ਚ ਨਪੀੜੇ ਗਏ ਦੋ ਦਿਲ,

ਤਿਰਹਾਏ ਹੰਝੂ , ਗੂੰਗੇ ਬੋਲ-

ਨਿਹਾਰਨਗੇ , ਉਨ੍ਹਾਂ ਪਲਾਂ ਨੂੰ ,

ਜੋ ਕਦੇ ਕਿਸੇ ਦੇ ਹੋ ਕੇ ਨਾ ਰਹੇ ,

ਤਾਂ ਝੂਰਨਗੇ /

ਕਦੇ ਮਾਨਣਗੇ - ਉਨ੍ਹਾਂ ਹੁਸੀਨ ਪਲਾਂ ਦੀ ਛੋਹ

ਜੋ ਕਦੀ ਕਦਾਈੰ

ਤੇਰੇ ਰਾਹੀਂ

ਆ ਜਾਂਦੀ ਸੀ ਮੇਰੇ ਹਥਾਂ ਚ

ਡਰਦੀ ਡਰਦੀ /

ਓਸ ਪਈ ਤੋਂ ਹੌਲੀ ਹੌਲੀ ਗੱਲਾਂ ਕਰਦੀ

ਜਾਂ

ਫਿਰ ਓਹ ਪਲਾਂ ਦੀਆਂ ਕੌੜੀਆਂ ਯਾਦਾਂ

ਜੋ ਖੋਹ ਲੀਆਂ ਜ਼ਾਲਮਾਂ ਜੋਰ ਨਾਲ /

ਕਾਸ਼

ਓਹ ਪਲ ਮੁੜ ਆਉਣ ਦੁਬਾਰਾ ,

ਜਦੋਂ ਮੈਂ ਕਰਦਾ ਸੀ ਮੁਹਿੰਮ ਸਰ -

ਤੇਰੇ ਖਤ ਦੇ ਆਉਣ 'ਤੇ

ਰਾਬਿੰਦਰ ਸਿੰਘ ਰੱਬੀ ,

੬੧੦/੩ , ਦਸਮੇਸ਼ ਕਾਲੋਨੀ , ਮੋਰਿੰਡਾ ( ਰੂਪਨਗਰ ) 140101